प्रधानमंत्री/मुख्यमंत्री ग्रामसडक योजनेतील कंत्राटी कर्मचाऱ्यांचा उपोषण आंदोलन

 

प्रधानमंत्री/मुख्यमंत्री ग्रामसडक योजनेतील कंत्राटी कर्मचाऱ्यांचा उपोषण आंदोलन

मुंबई :

प्रधानमंत्री/मुख्यमंत्री ग्रामसडक योजनेत कार्यरत कंत्राटी कर्मचारी आपल्या विविध मागण्यांसाठी पुन्हा एकदा उपोषण आंदोलनाच्या पवित्र्यावर उतरले आहेत. आजाद मैदान, मुंबई येथे सोमवार दिनांक २२ सप्टेंबर २०२५ रोजी सकाळी १० वाजता या आंदोलनास प्रारंभ झाला.

कंत्राटी कर्मचाऱ्यांनी आपल्या न्याय मागणीसाठी न्यायालयीन लढा दिला असून, २०११ पासून मान्यताप्राप्त हक्कांबाबत शासन निर्णय तात्काळ घ्यावा अशी मागणी त्यांनी केली आहे.

**कर्मचाऱ्यांच्या प्रमुख मागण्या :**

* कंत्राटी कर्मचाऱ्यांना नियमानुसार वार्षिक वेतन वाढ व नियमित कर्मचाऱ्यांप्रमाणे इतर सर्व सुविधा द्याव्यात.

* महिलांसाठी प्रसूती रजा, बालसंगोपन रजा आणि निवृत्तीवेतनाची हमी यांसारख्या सुविधा उपलब्ध करून द्याव्यात.

* नियमित कर्मचाऱ्यांच्या तोडीस तोड हक्क व सुविधा कंत्राटी कर्मचाऱ्यांना देण्यात याव्यात.

याआधी ३० जून २०२५ रोजी घेतलेल्या उपोषण आंदोलनात ग्रामविकास मंत्र्यांनी ठोस निर्णय घेण्याचे आश्वासन दिले होते. मात्र, तीन महिन्यांनंतरही त्याबाबत कार्यवाही न झाल्याने कर्मचाऱ्यांमध्ये तीव्र असंतोष निर्माण झाला आहे.

कंत्राटी कर्मचाऱ्यांनी इशारा दिला आहे की शासनाने तात्काळ निर्णय न घेतल्यास त्यांचे उपोषण अधिक तीव्र केले जाईल.