दि. म्युनिसिपल को-ऑपरेटिव्ह बँक निवडणुकीत मतमोजणीतील अनियमिततेचा आरोप

 दि. म्युनिसिपल को-ऑपरेटिव्ह बँक निवडणुकीत मतमोजणीतील अनियमिततेचा आरोप

मुंबई :

दि. म्युनिसिपल को-ऑपरेटिव्ह बँक संचालक निवडणूक २०२५-२०३० च्या मतमोजणी दरम्यान मोठ्या प्रमाणावर अनियमितता व अनागोंदी झाल्याचा गंभीर आरोप जय सहकार पॅनल चे विष्णू घुमरे आणि उमेदवारांनी मुंबई मराठी पत्रकार संघात झालेल्या पत्रकार परिषदे दरम्यान केला आहे. या वेळी पत्रकार परिषदेत दीपक मदने कविता विषय वर्षा माळी मुंजा गिरी व पॅनलचे इतर उमेदवार उपस्थित होते.

जय सहकार पॅनल चे विष्णू घुमरे यांनी सांगितले की निवडणुकीत अपारदर्शकता होती तसेच निवडणुकीत बॅलेट पेपरद्वारे मतदान झाले असतानाही मतमोजणी प्रक्रियेत गैरव्यवहार झाल्याचे आरोप समोर आला होता विशेषतः टेबल क्रमांक ५८ वरील कर्मचाऱ्यांकडून मत चोरीचा प्रकार उघड झाल्याचे उमेदवारांनी संशय व्यक्त केल्याचे सांगितले. या संदर्भातील व्हिडिओ फीत आणि पत्रव्यवहार राज्यपाल, मुख्यमंत्री व सहकार मंत्री यांच्याकडे तक्रार म्हणून सादर करण्यात आले.

आशिया खंडातील सर्वात मोठी पगारदार नोकरांची बँक मानली जाणारी ही बँक असून, पंचवार्षिक निवडणुकीत "मत चोरी" झाल्याचा दावा ही करण्यात आला . या घटने नंतर

जय सहकार पॅनलसह अनेक उमेदवारांनी सदर मतमोजणी निंदनीय असल्याचे मत स्पष्ट केले.

सदर बॅलेट पेपर बँकेच्या कस्टडीत असल्याने उच्च न्यायालयाच्या निरीक्षकांच्या देखरेखीखाली फेरमोजणी करण्याची मागणी जोर धरत आहे. तसेच मतदारांचा विश्वास अबाधित राहावा यासाठी पारदर्शक व निपक्षपाती पद्धतीने फेरतपासणी करणे आवश्यक असल्याचे मतदार दीपक मदने व महिला मतदार कविता विशे म्हणाले. तसेच मतमोजणी झालेल्या गैरप्रकारामुळे लोकशाही पद्धती वर अनेक प्रश्न निर्माण झाले आहेत . हि निवडणूक पारदर्शक पार पडावे यासाठी आम्ही सर्व पॅनलचे मतदार एकत्र आलेलो आहोत असेही पत्रकार परिषदे दरम्यान स्पष्ट करण्यात आले. तसेच येणाऱ्या काळात या सर्व निवडणुकीत झालेल्या गैरव्यवहाराच्या प्रकरणांमुळे आगामी काळात निवडणुकीच्या निकालांवर परिणाम होण्याची शक्यताही वर्तवली गेली.